如能無奈
返了差不多一個月的新工，四個老闆都是好好的人和基督徒，但員工就……這不能概括的說，也只能說我現在工作的部們 C&C 的人士就實在有點兒那個。返工一段時間，給同事送了一地蕉皮，還要給老闆們照肺。照肺不是問題，問題出於我不喜愛辦公室政治，為求上位和弄死別人，而踩踏別人和做金手指。
四個星期，三天同事們的新穎古惑害我給人照肺的招數︰
事件一︰畫公仔
同事 A - mr S 可否幫我畫一堆公仔呀
mr S - 好呀
……隔左兩三日……
mr S - 公仔畫好啦
同事 A - 唔該晒
……隔左一陣……
同事 A - mr S 做乜你畫既公仔咁多線條和複習既？
mr S - 我用 ai 畫出來的
同事 A - 可唔可以用 flash 從新畫過，同唔好咁多線條簡單點
mr S - 好呀
……隔左兩三日……
mr S - 畫好了
同事 A - 唔該晒
……隔左幾日……
老細 - mr S 同事話你畫既公仔唔得意和畫得好差喎
mr S - o mouth
……
正確原因係……我用左 cs3 來畫成堆公仔，看那個同事係用 mx2004看，因為 version 問題，舊版本食唔晒新版本畫出來的東西，結果顏色走晒位和出現 blur 的情況。
事件二︰追蹤 data 設定
同事 B - mr S 麻煩你幫手做這些 file 並加上 data record 既功能丫
mr S - 好的
同事 B - 唔該晒
……隔左一日……
mr S - 同事 B 你昨天叫我做的已經完成左，你看看好不好
同事 B - 好
……隔左一陣……
同事 B - mr S 你係咪做到每個 file 單一去行 data record 呀
mr S - 是的
同事 B - 我們不是要這些，我們要的是一次過做大量 files data record
mr S - 好，等我試試可不可以
……隔左一日……
mr S - 同事 B 你昨天叫我做的已經完成左，你看看好不好
同事 B - 好
……隔左一陣……
同事 B - mr S 做乜無左個 menu page gar，我地要從 menu page 到一開始就做 data record 喎
mr S - o mouth……
……隔左幾日……
mr S - 同事 B 你前陣子叫我做的已經完成左，你看看好不好
同事 B - 我同同事 C 和老闆商議後，你不用再做這個 project 啦！
mr S - o mouth……
……隔左一陣……
同事 C - mr S 老闆話叫你重新做過那個 project
mr S - 明白(無奈及 o mouth的)
……隔左幾日……
mr S - 同事 C 你前陣子從老闆轉述叫我做的已經做好了
同事 C - 做乜唔係 pop - up window gar
mr S - 做到 pop - up window 就無左 data record function 喎
同事 C - 咁我叫同事 x 和 y 來幫你手
……隔左幾日……project 去到尾聲時……
今天…… (短述事情)
老闆 A & B - mr S 做乜做左咁耐都完成唔到我地想要既東西，只係每個 file 做到 data record，之前同事 B & C 說同你講時，你說未必得但隔左一日你又話得，到現在先發現只係一個小小既 button 你無注意到而做唔到個 data record……(下拆百幾字) ……大家都係基督徒，我又唔想因為這個小小的 project 就話你過唔到試用期和給你大信封叫你走 ……(再下拆百幾字) …… 咁啦 mr S 我地現在給你做新的工作，希望你能在這個 project 上表現到你既 strength 和 挽回自己的聲譽。下次一有唔明白既地方，就直接同我地講啦！
mr S - yes and thx boss A & B
大家看最上既回覆同最後老闆照肺的對話，完本成件事就一早解決左，但就唔知點解班同事硬係多事幹說要這個和那個，結果老細原來想要的就是最初我做好的版本……真是不知邊個同事係我背後說三道四，亂咁叫人做野使我踩蕉皮啦！
唯一安慰既地方係，老闆們說同事們對我的反應是正面，沒有托過手甚麼都應承，也沒有企到好硬唔同人作那種。
新公司面對權力的爭鬥我實在沒有興趣，但當別人未清楚我底線又不聞不問的踩進我的領空，我是會開火還擊的。感謝主！暫時我還可以 patient 到呢！
我成了愚妄人，是被你們強逼的。我本該被你們稱許才是。我雖算不了甚麼，卻沒有一件事在那些最大的使徒以下。我在你們中間，用百般的忍耐，藉著神蹟、奇事、異能，顯出使徒的憑據來。 (林後 12 章 11 - 12 節)
多謝梁牧週末講道的提醒，有才能不一定要 show 出來，但卻要好好的包裝自己 humble 下來。
